Latgolys pīrūbeža – vīta, kur suocās Eiropys Savīneiba!

Latgolys pīrūbeža – vīta, kur suocās Eiropys Savīneiba!

“Latgolys pīrūbeža – vīta, kur suocās Eiropys Savīneiba!” ir jauns i unikals raidejumu cykls par kasdīnu i nūteikūšū pīrūbežā, kai ari dzeivuotuoju spiejom i zynuošonom kritiski vierteit mediju saturu, par mediju daeimameibu attuoluokajūs vaļsts nūvodūs i specialistu vīdūkli par tū.
Da nuokušuo goda janvara beigom Latgolys reģionaluo televizeja veiduos desmit raidejumus, kuru laikā žurnalistis Ausma Sprukte, Beatrise Jakobsone i Svetlana Dudarenoka dūsīs iz Latvejis-Krīvejis i Latvejis-Boltkrīvejis pīrūbežu. Tī juos tiksīs ar Daugpiļs, Kruoslovys, Dagdys, Zilupis, Ludzys, Ciblys, Kuorsovys, Baļtinovys i Viļakys nūvodu dzeivuotuojim, pošvaļdeibu vadeituojim, citim žurnalistim, kab puorrunuotu suopeiguokūs vaicuojumus, kas saisteiti ar medeju telpu, izzinuotu medeju lītuošonys paradumus, gon ari kūpā piļdeitu aizdavumus i ar tūs paleidzeibu vuiceitūs kritiski viertēt informaceji. Nūslādzušajā raidejumā byus uzrunuoti augstuokūs izgleiteibys īstuožu, NEPLP, ministreju kai ari citu instituceju specialisti, kab rostu risynuojumus situacejis uzlobuošonai.


Trešajā raidejumā žurnaliste Ausma Sprukte koč ari īprīkš sūleja dūtīs iz Zylupis pusi, tūmār byus Kruoslovys nūvodā. Iz iteni niu sovā pyrmajā reģionalajā vizītī beja īsarads Valsts prezidents Egils Levits, kas kūpā ar vītejīm dzeivuotuojim i specialistim Indrā puorrunuo tīši ar apraidi pīrūbežā saisteitūs probļemvaicuojumus. Egils Levits paraksteja ari viestiejumu, kū jau dreizumā paredzeits īmyurāt vīna nu diveju jaunūs apraidis tūrņu pamatim. Taipoš ari Kuļturys ministrejis Mediju politikys nūdaļis puorstuove Klinta Ločmele turpinuos stuosteit, kas rokstureigs dezinformacejai i kai tū atšķirt nu patīsom ziņom.


Trešū raidejumu cykla “Latgolys pīrūbeža – vīta, kur suocās Eiropys Savīneiba!” raidejumu veritēs jau nuokuštrešdiņ 7. augustā pl. 19:30 kanālā Re:TV ar atkuortuojumim caturtdiņ pl. 10:30, pīktdiņ 12:00 i sasdiņis reitā pl. 8:00, kai ari kanalā RīgaTV 24 caturtdiņ 8. augustā pl. 14:30. Dīnu vāluok raidejumu varēs atrast ari škārsteikla lopā www.lrtv.lv, LRT socialū teiklu kontūs www.facebook.com, www.youtube.com, kai ari platformā xtv.lv.


Latgolys reģionaluo televizeja raidejumu izveidei givuse atbolstu programmā “Atbolsts medijim sabīdriski zeimeiga satura veiduošonai i nacuonaluos kuļturtelpys styprinuošonai latvīšu volūdā”. Projektu finansej Medeju atbolsta fonds nu Latvejis vaļsts budžeta leidzekļim. Par raidiejumu cykla “Latgolys pīrūbeža – vīta, kur suocās Eiropys Savīneiba!” saturu atbiļd SIA “Latgolys reģionaluo televizeja”. #SIF_MAF2019


Projekta vadeituoja, LRT žurnaliste
Ausma Sprukte